Ronell Bezuidenhout: Daaglikse meditasie-potgooi en Veelkleurig-onderhoude Podcast Artwork Image

Ronell Bezuidenhout: Daaglikse meditasie-potgooi en Veelkleurig-onderhoude

Ronell Bezuidenhout

Luister na daaglikse potgooie met geloofsnadenke deur die teoloog en leraar, dr. Ronell Bezuidenhout. Jy kan beslis verwag om uitgedaag te word. Ronell se fokus is om “hoop” deur haar boodskappe bring. Die bedoeling daarvan is om jou te inspireer om elke dag bruisend aan te pak. Die kort potgooie word elke oggend vroeg gelaai. Luister op jou selfoon of enige rekenaar: dalk saam met jou oggendkoffie, op pad skool of werk toe, of selfs as jy net rustig in die natuur wil asemskep. Ronell sê sy skryf nie "dagstukkies" nie; sy bied daaglikse toerusting wat jou uitdaag om die "vaste kos" van geloof te verteer. "Die lewe is vir niemand maklik nie, maar dit hoef ook nie te wees nie! Jy het altyd 'n keuse hoe jy die lewe benader.” Hierdie meditasies wil jou help met daardie daaglikse keuses.Ronell is een van die eerste vroue-predikante van die NG Kerk. Haar beroepsroete het haar via Port Elizabeth (1990-2003) en Johannesburg (2003-2018) tot na die kusdorpie, Groot-Brakrivier, gebring, waar sy nou by 'n Lutherse gemeente in Rondevleihoogte betrokke is. Sy is 'n gevestigde skrywer, wat oorwegend aandag gee aan die interpretasie van antieke geloofsgewoontes vir moderne, besige mense. Vele boeke het al uit haar pen gekom. Sy bedryf ‘n groeiende digitale bediening, reis landswyd as gasprediker, retraite-aanbieder en geleentheidspreker en as 'n geloofsbegeleier ondersteun sy selfs mense buite Suid-Afrika. ********* Blom! Waar hy geplant is:Augustus is stofmaand in die binneland; dit is geniepsige sneeumaand in Karoo; dit is nog kaggelmaand in die Boland. Selfs met 'n verslapte inperking is dit - vir die meeste van ons - alles behalwe 'n "mooiste, mooiste maand". Dit hoef natuurlik nie só te wees nie.500 jaar gelede het Frances de Sales, biskop van Geneve, die gelowiges toe aangespoor met "Blom waar jy geplant is!".Met hierdie maand se daaglikse meditasies van Ronell Bezuidenhout wil sy jou met dieselfde woorde aanspoor. Met die oog op vrouemaand, het sy 15 vroue uitgenooi om medeskrywers te wees. Verwag dus 'n rykdom van inspirasie.

Recent Episodes